ماں تو پھر ماں ہی ہوتی ہے… ماں کی لازوال محبت کی اس خاموش داستان نے ہر آنکھ کو نم کر دیا

ماں کی ممتا اور محبت کا احساس آخری سانس تک ساتھ نہیں چھوڑتا… ماں کی لازوال محبت کی اس خاموش داستان نے ہر آنکھ کو نم کر دیا۔پڑوسی ملک بھارت کے شہر جبلپور میں واقع برگی ڈیم پر 30 اپریل کی شام پیش آنے والا کروز کشتی حادثہ اسی محبت کی ایک دردناک تصویر بن کر سامنے آیا۔
سیاحوں سے بھری کشتی تیز آندھی اور بپھری لہروں کی زد میں آ کر الٹ گئی۔ کشتی میں تقریباً 30 افراد سوار تھے، متعدد کو بچا لیا گیا مگر 6 سے 9 قیمتی جانیں ضائع ہو گئیں جبکہ کچھ افراد لاپتہ بھی بتائے گئے۔ ابتدائی اطلاعات کے مطابق خراب موسم کے باوجود کشتی چلائی گئی اور لائف جیکٹس بھی بروقت فراہم نہیں کی گئیں۔
سب سے دل دہلا دینے والا منظر وہ تھا جب ایک ماں اور اس کا معصوم بچہ ایک دوسرے سے لپٹے ہوئے ملے…
جیسے ماں نے آخری لمحوں میں بھی اپنے بچے کو یہ یقین دلایا ہو:
“میں خود تو ڈوب جاؤں گی… مگر تمہیں تنہا نہیں چھوڑوں گی…”